Mamlakatimizda barcha sohalarda bo‘lgani kabi, qishloq xo‘jaligida ham iqtidorli yoshlarni qo‘llab-quvvatlash, ularning tashabbus va g‘oyalarini amaliyotga tatbiq etish bo‘yicha keng imkoniyatlar yaratilmoqda.
Shunday yoshlar safidan o‘rin olgan Abdulloh Jamoliddinov tomonidan ilgari surilgan “Aqlli tomorqa” loyihasi ayni paytda Qishloq xo‘jaligida bilim va innovatsiyalar milliy markazi hamda bir qator ilmiy-tadqiqot institutlarida sinovdan o‘tkazilmoqda.
Loyiha endi O’simliklar genetik resurslarl ilmiy-tadqiqot institutida ham sinovdan o’tadi. Buning uchun 2 sotix er maydoni ajratildi.
Loyihaning muvaffaqiyatli amalga oshirilishi uchun zarur vositalar, agrotexnik sharoitlar va ilmiy-uslubiy ko‘mak bilan ta’minlash masalalari belgilab olindi.
Bu kabi tashabbuslar yoshlarning ilm-fan va innovatsiyaga bo‘lgan qiziqishini oshiradi, qishloq xo‘jaligida zamonaviy yondashuvlar asosida samarali loyihalarni hayotga tatbiq etishga xizmat qiladi.