Shu kunlarda Milliy markaz tizimidagi O‘simliklar genetik resurslari ilmiy-tadqiqot instituti direktori Zafar Ziyayev boshchiligidagi delegatsiya xizmat safari bilan Turkiyada bo‘lib turibdi. Delegatsiya a’zolari safar davomida Turkiyaning pistachilik rivojlangan Gaziantep viloyatidagi Pistachilik ilmiy-tadqiqot instituti faoliyati bilan yaqindan tanishmoqda. Ular turkiyalik olimlar bilan uchrashib, pista yetishtirish va qayta ishlashning zamonaviy usullari hamda ilmiy yutuqlarini o‘rganmoqda.
Delegatsiya a’zolari pista yetishtiruvchi va qayta ishlovchi ilg‘or xo‘jaliklar faoliyati bilan ham tanishib, mamlakatimizda bu sohaga oid yangi istiqbollarni muhokama qilmoqda.
