Ayni daqiqalarda O‘simliklar genetik resurslari ilmiy-tadqiqot instituti jamoasi o‘tgan yilda erishilgan natijalari yuzasidan taqdimot qilmoqda.
Taqdimotni institut direktori Zafar Ziyoyev amalga oshiryapti. Ta’kidlash kerakki, ushbu ilmiy muassasa mamlakatimizda o‘simlik va ekinlarning nav namunalarini saqlash, genetik sofligini asrash uchun mas’ul hisoblanadi. Bugungi kunda institutdagi Milliy genbankda 43 mingdan ziyod nav namunalari saqlanmoqda.
